Hoërskool Noordheuwel

Go to content

Main menu

83% Universiteitsvrystelling! 100% Slaagsyfer! 495 Aantal Onderskeidings! HS Noordheuwel nommer 8 in Gauteng
druk hier en lees meer

 
 
Voorwoord deur die Hoof

Op die hierdie uitgebreide webtuiste kan u kennis neem van alles wat Hoërskool Noordheuwel aan Leerlinge kan bied in die belangrike vormingsjare van hul skoolloopbaan.

Hoërskool Noordheuwel bied aan 'n kind 'n akademiese tuiste by uitstek. Ons akademiese uitnemendheid is ver buite ons geografiese grense bekend. Ons strewe egter na balans in ons opvoedingsbenadering - derhalwe word daar ruim op kulturele- en sportgebied geleenthede geskep om op 'n hoë vlak kompeterend te wees. Voeg hierby ons puik geriewe, netjiese terrein, pragtige omgewing en panoramiese uitsig, is dit nie moeilik om te begryp waarom hierdie skool (die hoogsgeleë Afrikaansmedium skool in die wêreld) jaarliks vir meer en meer leerlinge 'n gelukkige tuiste word nie.

Ons uiters bekwame en toegewyde personeelkorps lewer op akademiese, sowel as buitekurrikulêre terrein uitmuntende diens. Ons sportafrigters word aangevul deur kundige buite-afrigters wat verseker dat al ons kinders se talente ten volle ontwikkel word.

Dit is ons strewe om, in samewerking met die ouerhuis, kinders te begelei en op te voed sodat hulle tot hul volle potensiaal sal ontwikkel en as gelukkige volwassenes hul plek in die samelewing kan inneem.

DR JAC FOURIE
HOOF

Nuusbrief Tariewe
Noodsaaklike Inligting

Fisiese Adres
Bellrylaan
Noordheuwel
Krugersdorp
1740

Posadres
Privaatsak
X2032
Krugersdorp
1740

Tel:  +27(0) 11 954 1032
Faks: +27(0) 11 954 1033

GPS
-26.096486, 27.808242
-26° 5' 47.35", +27° 48' 29.67"

Epos ons gerus

Kaart na Noordheuwel

Matriekuitslae 2011!

Die Matrieks van 2011 het besonders goed presteer en Noordheuwel se naam weer onder die toppresterende skole in Gauteng verskyn en wel in die 8ste posisie. Die eerste Suid-Gautengskool op die top 10.
Die 267 graad 12's het almal geslaag (100%) en 83% van die leerders het daarin geslaag om universiteitsvrystelling te verwerf. Altesaam 37 leerders het die besondere prestasie verwerf deur A-gemiddeldes te kry. Aan onderskeidings was daar ook nie 'n tekort nie en die 2011-jaargroep kan altesaam 479 onderskeidings agter hul naam skryf.
Met hierdie prestasie sluit hulle aan by die 25 jaargroepe (uit 'n moontlike 28) wat ook kon spog met 'n 100% slaagsyfer.
Ons leerders het hulself ook binne hul spesifieke vakgebiede onderskei. Hierdie is puik prestasies as mens in ag neem dat daar 'n totaal van 87367 leerders in Gauteng matriek geskryf het. 69 216 hiervan het geslaag en net 35% met universiteitvrystelling.

Verskeie leerders het na afloop van die ma-triekuitslae van 2011 aansoek gedoen vir her-nasien. Dit was beslis die moeite werd aangesien 16 addisionele onderskeidings by die huidige 479 gevoeg kan word wat beteken dat Noordheuwel net 5 kort is van die magiese 500-tal. Baie geluk aan die kandidate wat suksesvol was. ‘n Baie spesiale gelukwensing aan Leandri van Aswegen wat nou spog met nege onderskeidings en Marina Jordaan wat spog met sewe onderskeidings.

Baie geluk aan die volgende leerders met puik individuele vakprestasies: druk hier om verder le lees.


 
Back to content | Back to main menu